ಆಮ್ಲಜನಕ ವ್ಯವಸ್ಥೆ, ಬೆಡ್, ಐಸಿಯು, ವೆಂಟಿಲೇಟರ್ ಹೀಗೆ ಆಸ್ಪತ್ರೆಗಳಲ್ಲಿ ಎಲ್ಲ ವ್ಯವಸ್ಥೆಗಳು ಇವೆ. ಹಾಗಂತ ಎಲ್ಲರೂ ಆಸ್ಪತ್ರೆಗೆ ಬರಬೇಕು ಎಂದಲ್ಲ. ಆದರೆ ನಿಮ್ಮ ಸುರಕ್ಷತೆಯನ್ನು ನೀವು ಕಾಪಾಡಿಕೊಳ್ಳಬೇಕು. ಕೋವಿಡ್ ನಿರೋಧಕ ಲಸಿಕೆ ಎರಡೂ ಡೋಸ್ ಹಾಕಿಕೊಂಡವರಿಗೆ ಕೊರೊನಾ ಹಾಗೆ ಬಂದು ಹೋಗುತ್ತದೆ. ಒಂದು ಡೋಸ್ ಹಾಕಿಸಿಕೊಂಡು ಸುಮ್ಮನಾಗಿರುವವರಿಗೆ ಕೊರೊನಾ ಬಂದಾಗ ಸ್ವಲ್ಪ ತೊಂದರೆಯಾಗುತ್ತದೆ. ಎರಡೂ ಡೋಸ್ ಹಾಕಿಸಿಕೊಳ್ಳದೇ ಇದ್ದವರಿಗೆ ಕೊರೊನಾ ಬಂದಾಗ ಹೆಚ್ಚು ಅಪಾಯ ಉಂಟಾಗುತ್ತಿದೆ. ನಿನ್ನೆ ಮೃತಪಟ್ಟಿರುವ 80 ವರ್ಷದ ವೃದ್ಧೆಗೆ ಬೇರೆ ಬೇರೆ ಕಾಯಿಲೆಗಳು ಇದ್ದವು ನಿಜ. ಜತೆಗೆ ಕೊರೊನಾ ನಿರೋಧಕ ಡೋಸ್ ಹಾಕಿಸಿಕೊಂಡೇ ಇರಲಿಲ್ಲ ಎಂದು ಮಾಹಿತಿ ನೀಡಿದ್ದಾರೆ.