ಬೆಂಗಳೂರು: ಜನಪ್ರಿಯ ಸ್ಮಾರ್ಟ್ಫೋನ್ ಬ್ರ್ಯಾಂಡ್ ಸ್ಯಾಮ್ಸಂಗ್, ಫೆಬ್ರುವರಿಯಲ್ಲಿ ನೂತನ ಗ್ಯಾಲಕ್ಸಿ ನೋಟ್ ಬಿಡುಗಡೆ ಮಾಡಲು ಮುಂದಾಗಿದೆ.
ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ ಫೆಬ್ರುವರಿಯಲ್ಲಿ ನಡೆಯಲಿದೆ ಎಂದು ಸ್ಯಾಮ್ಸಂಗ್ ಶುಕ್ರವಾರ ಘೋಷಿಸಿದೆ.
ದಿನಾಂಕವನ್ನು ಸ್ಯಾಮ್ಸಂಗ್ ಘೋಷಿಸಿಲ್ಲವಾದರೂ, ಹೊಸ ಪ್ರೀಮಿಯಂ ಎಸ್ ಸರಣಿಯಲ್ಲಿ ನೂತನ ಸ್ಮಾರ್ಟ್ಫೋನ್ ಗ್ಯಾಲಕ್ಸಿ ಎಸ್22 ಬಿಡುಗಡೆಯಾಗುವ ನಿರೀಕ್ಷೆಯಿದೆ.
ನೂತನ ಸ್ಮಾರ್ಟ್ಫೋನ್ ಮಾರುಕಟ್ಟೆಗೆ ಪರಿಚಯಿಸುತ್ತಿರುವ ಕುರಿತು ಸ್ಯಾಮ್ಸಂಗ್ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದು, ಪ್ರೀಮಿಯಂ ವಿನ್ಯಾಸದ ಗ್ಯಾಲಕ್ಸಿ ಸರಣಿ ಬರುತ್ತಿದೆ ಎಂಬ ಸುಳಿವು ನೀಡಿದೆ.