ಹಾಲು ಮಾರುವಾತ 800 ಮಕ್ಕಳ ತಂದೆಯಾಗಿದ್ದನೇ? ಸತ್ಯ ಸುದ್ದಿ ಏನು?

ದಕ್ಷಿಣ ಕ್ಯಾಲಿಫೋರ್ನಿಯಾದ ಹಾಲು ಮಾರಾಟಗಾರ ರ‍್ಯಾಂಡಲ್ (ರ‍್ಯಾಂಡಿ) ಜೆಫ್ರೀಸ್ (Randall Jeffries) ಎಂಬಾತ, ಸ್ಯಾನ್ ಡೀಗೋ ಪ್ರದೇಶದಲ್ಲಿ ಪ್ರತಿದಿನ ಬೆಳಿಗ್ಗೆ ಹಾಲು ಮಾರುತ್ತಿದ್ದ. ಆ ಕಾಲದಲ್ಲಿ ಪ್ಯಾಕೆಟ್ ಹಾಲು ಇರಲಿಲ್ಲ, ಹೀಗಾಗಿ ಈತನೇ ವಿತರಿಸುತ್ತಿದ್ದ. ಆತ ಸುಂದರನಾಗಿದ್ದ. ಸ್ಥಳೀಯ ಗೃಹಿಣಿಯರು ಈತನಿಂದ ಆಕರ್ಷಿತರಾಗಿದ್ದರು. ಅನೈತಿಕ ಸಂಬಂಧ ಏರ್ಪಡುತ್ತಿತ್ತು. ಆ ಕಾಲದಲ್ಲಿ ಇವನ್ನೆಲ್ಲ ಪತ್ತೆ ಹಚ್ಚುವುದು ಸುಲಭವಾಗಿರಲಿಲ್ಲ. ತಂತ್ರಜ್ಞಾನವೂ ಇರಲಿಲ್ಲ ಎಂದೆಲ್ಲಾ ಸುದ್ದಿಯಲ್ಲಿ ವಿವರಿಸಲಾಗಿತ್ತು.