<p><strong>ಬೆಂಗಳೂರು</strong>: ಆಗಸ್ಟ್ 15, 2021ರಂದು ದೇಶದ 75ನೇ ಸ್ವಾತಂತ್ರ್ಯೋತ್ಸವ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ‘ಪ್ರಧಾನ ಮಂತ್ರಿ ಗತಿ ಶಕ್ತಿ ಮಾಸ್ಟರ್ ಪ್ಲ್ಯಾನ್’ ಎಂಬ ₹100 ಲಕ್ಷ ಕೋಟಿ ಮೊತ್ತದ ಯೋಜನೆಯನ್ನು ಘೋಷಿಸಿದ್ದರು.</p>.<p>ಹೆಚ್ಚಿನ ಉದ್ಯೋಗಾವಕಾಶ ಸೃಷ್ಟಿ, ಕೈಗಾರಿಕೆಗಳ ಬಲವರ್ಧನೆ ಮತ್ತು ಉತ್ಪಾದನೆ ಹೆಚ್ಚಳ ಹಾಗೂ ವಿವಿಧ ಕ್ಷೇತ್ರಗಳ ಮೂಲಸೌಕರ್ಯ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳುವುದು ಇದರ ಉದ್ದೇಶವಾಗಿದೆ.</p>.<p><strong>ಡಿಜಿಟಲೀಕರಣಕ್ಕೆ ಮುನ್ನುಡಿ</strong></p>.<p>ಪ್ರಮುಖವಾಗಿ ಗತಿಶಕ್ತಿ ಯೋಜನೆ ಮೂಲಕ, 16 ವಿವಿಧ ಸಚಿವಾಲಯಗಳನ್ನು ಮತ್ತು ಅಧೀನ ಇಲಾಖೆಗಳನ್ನು ಒಂದೇ ಡಿಜಿಟಲ್ ವೇದಿಕೆಯಡಿ ತರುವುದು ಮತ್ತು ವಿವಿಧ ಆರ್ಥಿಕ ವಲಯಗಳ ಸಂಪರ್ಕ ಯೋಜನೆ ರೂಪಿಸುವ ಕಾರ್ಯಕ್ರಮವನ್ನು ಸರ್ಕಾರ ಹೊಂದಿದೆ.</p>.<p><strong>ಗತಿಶಕ್ತಿ ಯೋಜನೆ ಮೂಲಕ ಯಾವ ಕ್ಷೇತ್ರಕ್ಕೆ ಆದ್ಯತೆ?</strong></p>.<p>ಪ್ರಧಾನಿ ನರೇಂದ್ರ ಮೋದಿ ಹೇಳಿರುವಂತೆ, ಗತಿಶಕ್ತಿ ಯೋಜನೆಯಿಂದ ದೇಶದ ವಿವಿಧ ಉತ್ಪಾದನಾ ವಲಯ ಮತ್ತು ಸ್ಥಳೀಯ ಕೈಗಾರಿಕೆಗಳನ್ನು ಜಾಗತಿಕ ಮಟ್ಟಕ್ಕೆ ಏರಿಸುವ ಕಾರ್ಯಕ್ರಮವಿದೆ. ಅಲ್ಲದೆ, ಮುಂದೆ ಹೆಚ್ಚುವರಿ ವಿಶೇಷ ಆರ್ಥಿಕ ವಲಯ ಸ್ಥಾಪನೆ ಗುರಿ ಹೊಂದಿದೆ.</p>.<p>ಉತ್ಪಾದನೆ ಮತ್ತು ರಫ್ತು ಹೆಚ್ಚಳ, ದೇಶಿಯ ಉತ್ಪನ್ನಗಳಿಗೆ ಮತ್ತಷ್ಟು ಮಾರುಕಟ್ಟೆ ಸೃಷ್ಟಿ, ಜಾಗತಿಕವಾಗಿ ಭಾರತೀಯ ಉತ್ಪನ್ನಗಳಿಗೆ ಬ್ರ್ಯಾಂಡ್ ಮೌಲ್ಯವರ್ಧನೆ ಕೂಡ ಇದರಲ್ಲಿ ಸೇರಿದೆ.</p>.<p><strong>ಪ್ರಧಾನ ಮಂತ್ರಿ ಗತಿಶಕ್ತಿ ಯೋಜನೆ-ರಾಷ್ಟ್ರೀಯ ಮಾಸ್ಟರ್ ಪ್ಲ್ಯಾನ್ ವಿಶೇಷತೆಗಳೇನು?</strong></p>.<p>ಗತಿಶಕ್ತಿ ಯೋಜನೆ ಮೂಲಕ ಕೇಂದ್ರ ಸಚಿವಾಲಯ ಮತ್ತು ರಾಜ್ಯ ಸರ್ಕಾರಗಳ ಜಂಟಿ ಸಹಭಾಗಿತ್ವದಲ್ಲಿ ಜಾರಿಯಾಗಿರುವ ಭಾರತ್ಮಾಲಾ, ಸಾಗರಮಾಲಾ, ಉಡಾನ್, ಒಳನಾಡು ಜಲಸಾರಿಗೆ ಮತ್ತು ಬಂದರು ಸಹಿತ ವಿವಿಧ ಯೋಜನೆಗಳ ಮೂಲಸೌಕರ್ಯ ಅಭಿವೃದ್ಧಿ.</p>.<p>ವಸ್ತ್ರೋದ್ಯಮ, ಫಾರ್ಮಸಿ, ಮೀನುಗಾರಿಕೆ, ಎಲೆಕ್ಟ್ರಾನಿಕ್ ಪಾರ್ಕ್, ರಕ್ಷಣಾ ಮತ್ತು ಉದ್ಯಮ ಕಾರಿಡಾರ್ ಹಾಗೂ ಕೃಷಿ-ಯಂತ್ರೋಪಕರಣ ವಲಯಗಳಲ್ಲಿ ಹೆಚ್ಚಿನ ಸವಲತ್ತು ಮತ್ತು ಸಂಪರ್ಕ ಯೋಜನೆ, ವಿಸ್ತರಣೆ.</p>.<p>ಇಸ್ರೋ, ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಮತ್ತು ಸಂಬಂಧಿತ ಇಲಾಖೆಗಳ ಮೂಲಕ ವಿವಿಧ ತಂತ್ರಜ್ಞಾನ ಸಹಯೋಗ ಹಾಗೂ ಅಭಿವೃದ್ಧಿ ಕಾರ್ಯಕ್ರಮ</p>.<p>ಉದ್ಯಮದಲ್ಲಿ ಉತ್ಪಾದಕತೆ ಹೆಚ್ಚಳ, ಸ್ಪರ್ಧಾತ್ಮಕತೆ, ಸ್ಥಳೀಯ ಉತ್ಪಾದಕರಿಗೆ ಪ್ರೋತ್ಸಾಹ ಮತ್ತು ಹೊಸ ಆರ್ಥಿಕ ವಲಯ ಸೃಷ್ಟಿಗೆ ಉತ್ತೇಜನ</p>.<p>ಸರಕು ಸಾಗಣೆಗೆ ಪೂರಕವಾಗಿ ವೇಗದ ಮತ್ತು ತಡೆರಹಿತ ಸಂಪರ್ಕ ಜಾಲ, ಅರ್ಥಿಕ ವಲಯದಿಂದ ಉತ್ಪಾದನೆ ಮತ್ತು ಮಾರುಕಟ್ಟೆಗೆ ವಿಶೇಷ ಸಂಪರ್ಕ</p>.<p><a href="https://www.prajavani.net/india-news/narendra-modi-unveils-gati-shakti-national-master-plan-for-infrastructure-875278.html" itemprop="url">‘ಪಿಎಂ ಗತಿಶಕ್ತಿ ಯೋಜನೆ’ಗೆ ಪ್ರಧಾನಿ ಮೋದಿ ಚಾಲನೆ </a></p>.<p>ಉದ್ಯಮ ಪ್ರೋತ್ಸಾಹ ಮತ್ತು ಆಂತರಿಕ ಮಾರಾಟ ಇಲಾಖೆ ನೋಡಲ್ ಸಚಿವಾಲಯದ ರೀತಿ ಕಾರ್ಯನಿರ್ವಹಿಸಲಿದ್ದು, ವಿವಿಧ ಯೋಜನೆಗಳ ಜಾರಿ ಮತ್ತು ಅವುಗಳ ನಿರ್ವಹಣೆ, ನಿಯತವಾಗಿ ಪರಿಶೀಲನೆ ಕೈಗೊಳ್ಳಲಿದೆ.</p>.<p>ಸಂಪುಟ ಕಾರ್ಯದರ್ಶಿಯ ಅಧ್ಯಕ್ಷತೆಯಲ್ಲಿ ವಿವಿಧ ಅಧೀನ ಇಲಾಖೆಗಳ ಕಾರ್ಯದರ್ಶಿಗಳ ಸಮಿತಿ ರಚಿಸಿ, ಅದರ ಮೂಲಕ ಯೋಜನೆ ಜಾರಿ ಮತ್ತು ಬದಲಾವಣೆ, ಉಸ್ತುವಾರಿ ಪರಿಶೀಲನೆ ನಡೆಯಲಿದೆ.</p>.<p>ಪ್ರಸ್ತುತ ಇರುವ ಮತ್ತು ಉದ್ದೇಶಿತ ವಿಶೇಷ ಆರ್ಥಿಕ ವಲಯಗಳನ್ನು ಒಂದೇ ವೇದಿಕೆಯಡಿ, ಮೂರು ಹಂತಗಳಲ್ಲಿ ನಿರ್ವಹಿಸಲಾಗುತ್ತದೆ. 2014-15ರ ಸಾಲಿನಲ್ಲಿ ಸ್ಥಿತಿಗತಿ, 2020-21ರಲ್ಲಿನ ಸಾಧನೆಗಳು ಮತ್ತು 2024-25ರಲ್ಲಿ ಯೋಜಿತ ಮಧ್ಯಸ್ಥಿಕೆ ಎಂದು ವಿಂಗಡಿಸಲಾಗುತ್ತದೆ.</p>.<p>ಜನರು ಮತ್ತು ಉದ್ಯಮ ಸಮೂಹಗಳು, ಹೂಡಿಕೆದಾರರಿಗೆ ಮುಂಬರುವ ಯೋಜನೆಗಳ ಬಗ್ಗೆ ಸವಿವರ ನೀಡಲಾಗುತ್ತದೆ. ಇದರಿಂದ ಪ್ರಸಕ್ತ ಯೋಜನೆ, ಉದ್ದೇಶಿತ ಯೋಜನೆ ಕುರಿತು ಹೂಡಿಕೆದಾರರು ನಿರ್ಧಾರ ಕೈಗೊಳ್ಳಲು ಮತ್ತು ಪೂರಕವಾಗಿ ಕಾರ್ಯಯೋಜನೆ ರೂಪಿಸಲು ನೆರವಾಗುತ್ತದೆ.</p>.<p><a href="https://www.prajavani.net/india-news/govt-engaging-with-states-uts-to-implement-export-hub-initiative-in-all-districts-patel-875240.html" itemprop="url">ದೇಶದ ಎಲ್ಲ ಜಿಲ್ಲೆಗಳಲ್ಲೂ ’ರಫ್ತು ಹಬ್’ ಯೋಜನೆ ಅನುಷ್ಠಾನ: ಸಚಿವೆ ಅನುಪ್ರಿಯ </a></p>.<p>ವಿವಿಧ ರೀತಿಯಲ್ಲಿ ಉದ್ಯೋಗ ಸೃಷ್ಟಿ, ಜಾಗತಿಕ ಮಟ್ಟದಲ್ಲಿ ದೇಶದ ಸ್ಥಳೀಯ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಪರಿಚಯಿಸುವುದು, ಸುಲಭ ಮತ್ತು ಕಡಿಮೆ ವೆಚ್ಚದ ಸಾಗಾಟ ಮತ್ತು ಪೂರೈಕೆ ಸರಪಣಿ ರೂಪಿಸುವ ಯೋಚನೆಯನ್ನು ಗತಿಶಕ್ತಿ ಯೋಜನೆ ಹೊಂದಿದೆ.</p>.<p>ಗತಿಶಕ್ತಿ ಯೋಜನೆ ಮೂಲಕ ದೇಶದಲ್ಲಿ ಹೆಚ್ಚಿನ ಉದ್ಯೋಗ ಸೃಷ್ಟಿ ಮತ್ತು ಸೌಕರ್ಯ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳಲಾಗುತ್ತಿದೆ.</p>.<div><p><strong>ತಾಜಾ ಮಾಹಿತಿ ಪಡೆಯಲು <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ</strong></p><p><strong>ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ ಆ್ಯಪ್</a> | <a href="https://apps.apple.com/in/app/prajavani-kannada-news-app/id1535764933">ಐಒಎಸ್ ಆ್ಯಪ್</a></strong></p><p><strong>ಪ್ರಜಾವಾಣಿ <a href="https://www.facebook.com/prajavani.net">ಫೇಸ್ಬುಕ್ ಪುಟವನ್ನು</a>ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಆಗಸ್ಟ್ 15, 2021ರಂದು ದೇಶದ 75ನೇ ಸ್ವಾತಂತ್ರ್ಯೋತ್ಸವ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ‘ಪ್ರಧಾನ ಮಂತ್ರಿ ಗತಿ ಶಕ್ತಿ ಮಾಸ್ಟರ್ ಪ್ಲ್ಯಾನ್’ ಎಂಬ ₹100 ಲಕ್ಷ ಕೋಟಿ ಮೊತ್ತದ ಯೋಜನೆಯನ್ನು ಘೋಷಿಸಿದ್ದರು.</p>.<p>ಹೆಚ್ಚಿನ ಉದ್ಯೋಗಾವಕಾಶ ಸೃಷ್ಟಿ, ಕೈಗಾರಿಕೆಗಳ ಬಲವರ್ಧನೆ ಮತ್ತು ಉತ್ಪಾದನೆ ಹೆಚ್ಚಳ ಹಾಗೂ ವಿವಿಧ ಕ್ಷೇತ್ರಗಳ ಮೂಲಸೌಕರ್ಯ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳುವುದು ಇದರ ಉದ್ದೇಶವಾಗಿದೆ.</p>.<p><strong>ಡಿಜಿಟಲೀಕರಣಕ್ಕೆ ಮುನ್ನುಡಿ</strong></p>.<p>ಪ್ರಮುಖವಾಗಿ ಗತಿಶಕ್ತಿ ಯೋಜನೆ ಮೂಲಕ, 16 ವಿವಿಧ ಸಚಿವಾಲಯಗಳನ್ನು ಮತ್ತು ಅಧೀನ ಇಲಾಖೆಗಳನ್ನು ಒಂದೇ ಡಿಜಿಟಲ್ ವೇದಿಕೆಯಡಿ ತರುವುದು ಮತ್ತು ವಿವಿಧ ಆರ್ಥಿಕ ವಲಯಗಳ ಸಂಪರ್ಕ ಯೋಜನೆ ರೂಪಿಸುವ ಕಾರ್ಯಕ್ರಮವನ್ನು ಸರ್ಕಾರ ಹೊಂದಿದೆ.</p>.<p><strong>ಗತಿಶಕ್ತಿ ಯೋಜನೆ ಮೂಲಕ ಯಾವ ಕ್ಷೇತ್ರಕ್ಕೆ ಆದ್ಯತೆ?</strong></p>.<p>ಪ್ರಧಾನಿ ನರೇಂದ್ರ ಮೋದಿ ಹೇಳಿರುವಂತೆ, ಗತಿಶಕ್ತಿ ಯೋಜನೆಯಿಂದ ದೇಶದ ವಿವಿಧ ಉತ್ಪಾದನಾ ವಲಯ ಮತ್ತು ಸ್ಥಳೀಯ ಕೈಗಾರಿಕೆಗಳನ್ನು ಜಾಗತಿಕ ಮಟ್ಟಕ್ಕೆ ಏರಿಸುವ ಕಾರ್ಯಕ್ರಮವಿದೆ. ಅಲ್ಲದೆ, ಮುಂದೆ ಹೆಚ್ಚುವರಿ ವಿಶೇಷ ಆರ್ಥಿಕ ವಲಯ ಸ್ಥಾಪನೆ ಗುರಿ ಹೊಂದಿದೆ.</p>.<p>ಉತ್ಪಾದನೆ ಮತ್ತು ರಫ್ತು ಹೆಚ್ಚಳ, ದೇಶಿಯ ಉತ್ಪನ್ನಗಳಿಗೆ ಮತ್ತಷ್ಟು ಮಾರುಕಟ್ಟೆ ಸೃಷ್ಟಿ, ಜಾಗತಿಕವಾಗಿ ಭಾರತೀಯ ಉತ್ಪನ್ನಗಳಿಗೆ ಬ್ರ್ಯಾಂಡ್ ಮೌಲ್ಯವರ್ಧನೆ ಕೂಡ ಇದರಲ್ಲಿ ಸೇರಿದೆ.</p>.<p><strong>ಪ್ರಧಾನ ಮಂತ್ರಿ ಗತಿಶಕ್ತಿ ಯೋಜನೆ-ರಾಷ್ಟ್ರೀಯ ಮಾಸ್ಟರ್ ಪ್ಲ್ಯಾನ್ ವಿಶೇಷತೆಗಳೇನು?</strong></p>.<p>ಗತಿಶಕ್ತಿ ಯೋಜನೆ ಮೂಲಕ ಕೇಂದ್ರ ಸಚಿವಾಲಯ ಮತ್ತು ರಾಜ್ಯ ಸರ್ಕಾರಗಳ ಜಂಟಿ ಸಹಭಾಗಿತ್ವದಲ್ಲಿ ಜಾರಿಯಾಗಿರುವ ಭಾರತ್ಮಾಲಾ, ಸಾಗರಮಾಲಾ, ಉಡಾನ್, ಒಳನಾಡು ಜಲಸಾರಿಗೆ ಮತ್ತು ಬಂದರು ಸಹಿತ ವಿವಿಧ ಯೋಜನೆಗಳ ಮೂಲಸೌಕರ್ಯ ಅಭಿವೃದ್ಧಿ.</p>.<p>ವಸ್ತ್ರೋದ್ಯಮ, ಫಾರ್ಮಸಿ, ಮೀನುಗಾರಿಕೆ, ಎಲೆಕ್ಟ್ರಾನಿಕ್ ಪಾರ್ಕ್, ರಕ್ಷಣಾ ಮತ್ತು ಉದ್ಯಮ ಕಾರಿಡಾರ್ ಹಾಗೂ ಕೃಷಿ-ಯಂತ್ರೋಪಕರಣ ವಲಯಗಳಲ್ಲಿ ಹೆಚ್ಚಿನ ಸವಲತ್ತು ಮತ್ತು ಸಂಪರ್ಕ ಯೋಜನೆ, ವಿಸ್ತರಣೆ.</p>.<p>ಇಸ್ರೋ, ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಮತ್ತು ಸಂಬಂಧಿತ ಇಲಾಖೆಗಳ ಮೂಲಕ ವಿವಿಧ ತಂತ್ರಜ್ಞಾನ ಸಹಯೋಗ ಹಾಗೂ ಅಭಿವೃದ್ಧಿ ಕಾರ್ಯಕ್ರಮ</p>.<p>ಉದ್ಯಮದಲ್ಲಿ ಉತ್ಪಾದಕತೆ ಹೆಚ್ಚಳ, ಸ್ಪರ್ಧಾತ್ಮಕತೆ, ಸ್ಥಳೀಯ ಉತ್ಪಾದಕರಿಗೆ ಪ್ರೋತ್ಸಾಹ ಮತ್ತು ಹೊಸ ಆರ್ಥಿಕ ವಲಯ ಸೃಷ್ಟಿಗೆ ಉತ್ತೇಜನ</p>.<p>ಸರಕು ಸಾಗಣೆಗೆ ಪೂರಕವಾಗಿ ವೇಗದ ಮತ್ತು ತಡೆರಹಿತ ಸಂಪರ್ಕ ಜಾಲ, ಅರ್ಥಿಕ ವಲಯದಿಂದ ಉತ್ಪಾದನೆ ಮತ್ತು ಮಾರುಕಟ್ಟೆಗೆ ವಿಶೇಷ ಸಂಪರ್ಕ</p>.<p><a href="https://www.prajavani.net/india-news/narendra-modi-unveils-gati-shakti-national-master-plan-for-infrastructure-875278.html" itemprop="url">‘ಪಿಎಂ ಗತಿಶಕ್ತಿ ಯೋಜನೆ’ಗೆ ಪ್ರಧಾನಿ ಮೋದಿ ಚಾಲನೆ </a></p>.<p>ಉದ್ಯಮ ಪ್ರೋತ್ಸಾಹ ಮತ್ತು ಆಂತರಿಕ ಮಾರಾಟ ಇಲಾಖೆ ನೋಡಲ್ ಸಚಿವಾಲಯದ ರೀತಿ ಕಾರ್ಯನಿರ್ವಹಿಸಲಿದ್ದು, ವಿವಿಧ ಯೋಜನೆಗಳ ಜಾರಿ ಮತ್ತು ಅವುಗಳ ನಿರ್ವಹಣೆ, ನಿಯತವಾಗಿ ಪರಿಶೀಲನೆ ಕೈಗೊಳ್ಳಲಿದೆ.</p>.<p>ಸಂಪುಟ ಕಾರ್ಯದರ್ಶಿಯ ಅಧ್ಯಕ್ಷತೆಯಲ್ಲಿ ವಿವಿಧ ಅಧೀನ ಇಲಾಖೆಗಳ ಕಾರ್ಯದರ್ಶಿಗಳ ಸಮಿತಿ ರಚಿಸಿ, ಅದರ ಮೂಲಕ ಯೋಜನೆ ಜಾರಿ ಮತ್ತು ಬದಲಾವಣೆ, ಉಸ್ತುವಾರಿ ಪರಿಶೀಲನೆ ನಡೆಯಲಿದೆ.</p>.<p>ಪ್ರಸ್ತುತ ಇರುವ ಮತ್ತು ಉದ್ದೇಶಿತ ವಿಶೇಷ ಆರ್ಥಿಕ ವಲಯಗಳನ್ನು ಒಂದೇ ವೇದಿಕೆಯಡಿ, ಮೂರು ಹಂತಗಳಲ್ಲಿ ನಿರ್ವಹಿಸಲಾಗುತ್ತದೆ. 2014-15ರ ಸಾಲಿನಲ್ಲಿ ಸ್ಥಿತಿಗತಿ, 2020-21ರಲ್ಲಿನ ಸಾಧನೆಗಳು ಮತ್ತು 2024-25ರಲ್ಲಿ ಯೋಜಿತ ಮಧ್ಯಸ್ಥಿಕೆ ಎಂದು ವಿಂಗಡಿಸಲಾಗುತ್ತದೆ.</p>.<p>ಜನರು ಮತ್ತು ಉದ್ಯಮ ಸಮೂಹಗಳು, ಹೂಡಿಕೆದಾರರಿಗೆ ಮುಂಬರುವ ಯೋಜನೆಗಳ ಬಗ್ಗೆ ಸವಿವರ ನೀಡಲಾಗುತ್ತದೆ. ಇದರಿಂದ ಪ್ರಸಕ್ತ ಯೋಜನೆ, ಉದ್ದೇಶಿತ ಯೋಜನೆ ಕುರಿತು ಹೂಡಿಕೆದಾರರು ನಿರ್ಧಾರ ಕೈಗೊಳ್ಳಲು ಮತ್ತು ಪೂರಕವಾಗಿ ಕಾರ್ಯಯೋಜನೆ ರೂಪಿಸಲು ನೆರವಾಗುತ್ತದೆ.</p>.<p><a href="https://www.prajavani.net/india-news/govt-engaging-with-states-uts-to-implement-export-hub-initiative-in-all-districts-patel-875240.html" itemprop="url">ದೇಶದ ಎಲ್ಲ ಜಿಲ್ಲೆಗಳಲ್ಲೂ ’ರಫ್ತು ಹಬ್’ ಯೋಜನೆ ಅನುಷ್ಠಾನ: ಸಚಿವೆ ಅನುಪ್ರಿಯ </a></p>.<p>ವಿವಿಧ ರೀತಿಯಲ್ಲಿ ಉದ್ಯೋಗ ಸೃಷ್ಟಿ, ಜಾಗತಿಕ ಮಟ್ಟದಲ್ಲಿ ದೇಶದ ಸ್ಥಳೀಯ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಪರಿಚಯಿಸುವುದು, ಸುಲಭ ಮತ್ತು ಕಡಿಮೆ ವೆಚ್ಚದ ಸಾಗಾಟ ಮತ್ತು ಪೂರೈಕೆ ಸರಪಣಿ ರೂಪಿಸುವ ಯೋಚನೆಯನ್ನು ಗತಿಶಕ್ತಿ ಯೋಜನೆ ಹೊಂದಿದೆ.</p>.<p>ಗತಿಶಕ್ತಿ ಯೋಜನೆ ಮೂಲಕ ದೇಶದಲ್ಲಿ ಹೆಚ್ಚಿನ ಉದ್ಯೋಗ ಸೃಷ್ಟಿ ಮತ್ತು ಸೌಕರ್ಯ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳಲಾಗುತ್ತಿದೆ.</p>.<div><p><strong>ತಾಜಾ ಮಾಹಿತಿ ಪಡೆಯಲು <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ</strong></p><p><strong>ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ ಆ್ಯಪ್</a> | <a href="https://apps.apple.com/in/app/prajavani-kannada-news-app/id1535764933">ಐಒಎಸ್ ಆ್ಯಪ್</a></strong></p><p><strong>ಪ್ರಜಾವಾಣಿ <a href="https://www.facebook.com/prajavani.net">ಫೇಸ್ಬುಕ್ ಪುಟವನ್ನು</a>ಫಾಲೋ ಮಾಡಿ.</strong></p></div>
