ಲೀಟರ್ ಪೆಟ್ರೋಲ್ ₹ 109ರ ಗಡಿ ದಾಟಿದೆ. ಡೀಸೆಲ್ ಬರೋಬ್ಬರಿ ₹ 100ನ್ನು ಮೀರಿದೆ. ಕೆಲವೇ ದಿನಗಳಲ್ಲಿ ಸರಾಸರಿ ₹ 2 ಜಾಸ್ತಿಯಾಗಿದೆ. ಸತತವಾಗಿ ತೈಲ ದರ ಹೆಚ್ಚಾಗುತ್ತಿರುವುದರಿಂದ ಅಗತ್ಯ ವಸ್ತುಗಳ ಬೆಲೆಯೂ ಏರಿಕೆ ಆಗುತ್ತಿದೆ. ಇದರಿಂದ ಸಾರ್ವಜನಿಕರು ಕಂಗೆಟ್ಟಿದ್ದಾರೆ. ಕೋವಿಡ್ ಸಾಂಕ್ರಾಮಿಕ ಮತ್ತು ಲಾಕ್ಡೌನ್ನಿಂದ ಸಂಕಷ್ಟಕ್ಕೆ ಒಳಗಾಗಿದ್ದವರಿಗೆ ತೈಲ ಬೆಲೆ ಏರಿಕೆಯು ಬರೆ ಎಳೆದಿದೆ. ಬಡ ಹಾಗೂ ಮಧ್ಯಮ ವರ್ಗದವರು ಹೆಚ್ಚು ತೊಂದರೆಗೆ ಒಳಗಾಗಿದ್ದಾರೆ.