ಕರೀನಾ ಕಪೂರ್‌: ಖಾಸಗಿ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಕರೀನಾ ಕಪೂರ್‌ ಈ ಹಿಂದೆ ವೇತನದ ಅಂತರದ ಬಗ್ಗೆ ಯಾರೂ ಮಾತನಾಡುತ್ತಿರಲಿಲ್ಲ. ಆದರೆ ಈಗ ಜನರು ಬದಲಾಗಿದ್ದಾರೆ. ತನಗೆ ಏನು ಬೇಕು ಎಂಬುದರ ಬಗ್ಗೆ ಅವರಿಗೆ ಸ್ಪಷ್ಪತೆ ಇದೆ. ಇದು ಕೇವಲ ಸಂಭಾವನೆಗಷ್ಟೇ ಸೀಮಿತವಾಗಿಲ್ಲಗೌರವವೂ ಸೇರಿದೆ ಎಂದಿದ್ದರು.
ನಟಿ ರಕುಲ್‌ ಪ್ರೀತ್‌ ಸಿಂಗ್‌: ವೇತನದ ಬಗ್ಗೆ ತುಸು ವಿಭಿನ್ನವಾಗಿಯೇ ಹೇಳಿಕೆ ನೀಡಿರುವ ರಕುಲ್‌ ಪ್ರೀತ್‌ ಸಿಂಗ್‌, ವೇತನ ಸಮಾನತೆ ಪ್ರೇಕ್ಷಕರನ್ನು ಚಿತ್ರಮಂದಿರಗಳಿಗೆ ಎಳೆಯುವ ಸಾಮರ್ಥ್ಯವನ್ನು ಆಧರಿಸಬೇಕು. ಲಿಂಗ ಆಧರಿಸಿ ಅಳೆಯಬಾರದು. ಪ್ರಿಯಾಂಕಾರಂಥ ಜಾಗತಿಕ ನಟಿಯರಿಗೆ ಪ್ರೇಕ್ಷಕರನ್ನು ಥಿಯೇಟರ್‌ಗಳಿಗೆ ಸೆಳೆಯುವಂಥ ಶಕ್ತಿ ಇದೆ ಎಂದಿದ್ದರು.
