movie - ತೆಲುಗು ಧಾರಾವಾಹಿಯಲ್ಲಿ ಅಂಧನ ಪಾತ್ರ ಮಾಡುತ್ತಿರುವ ಕನ್ನಡ ವಿಜಯ್ ಸೂರ್ಯ

ಕನ್ನಡ ಕಿರುತೆರೆಯಲ್ಲಿ ವಿಜಯ್ ಸೂರ್ಯ (Actor Vijay Suriya) ಅವರು ದೊಡ್ಡ ಹೆಸರನ್ನು ಸಂಪಾದಿಸಿದ್ದಾರೆ. ವಿಜಯ್ ಸೂರ್ಯ ಅವರು ಈಗಾಗಲೇ 'ಅಗ್ನಿಸಾಕ್ಷಿ', 'ಪ್ರೇಮಲೋಕ', 'ಜೊತೆ ಜೊತೆಯಲಿ' ಮುಂತಾದ ಕನ್ನಡ ಧಾರಾವಾಹಿಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಜೊತೆಗೆ ಹಲವು ಸಿನಿಮಾಗಳಲ್ಲೂ ವಿಜಯ್ ಸೂರ್ಯ ಅವರು ಬಣ್ಣ ಹಚ್ಚಿದ್ದಾರೆ. ಇದೀಗ 'ಕೃಷ್ಣಮ್ಮ ಕಲಿಪಿಂದಿ ಇದ್ದರಿನಿ' (Krishnamma Kalipindi Iddarini) ತೆಲುಗು ಧಾರಾವಾಹಿಯ ಮೂಲಕ ತೆಲುಗು ಕಿರುತೆರೆಗೂ ವಿಜಯ್ ಸೂರ್ಯ ಅವರು ಎಂಟ್ರಿ ಕೊಟ್ಟಿದ್ದಾರೆ.ಈ ಸೀರಿಯಲ್‌ ಈಗಾಗಲೇ ಹಿಂದಿ, ತಮಿಳು ಹಾಗೂ ಕನ್ನಡದಲ್ಲಿ ರೀಮೇಕ್‌ ಆಗಿದೆ. ಕನ್ನಡದಲ್ಲಿ 'ಆಕಾಶ ದೀಪ’ ಹೆಸರಿನಲ್ಲಿ ರೀಮೇಕ್‌ ಆಗಿ ಈ ಧಾರಾವಾಹಿ ಪ್ರಸಾರವಾಗಿತ್ತು.

embed url