ಮತಗಟ್ಟೆ ಸಮೀಕ್ಷೆಗಳು ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್ ನಾಯಕರ ನಿದ್ದೆಗೆಡಿಸಿವೆ. ಫಲಿತಾಂಶದ ಬಳಿಕ ಪಕ್ಷ ಏನು ನಿರ್ಧಾರ ಕೈಗೊಳ್ಳಬೇಕು ಎಂಬ ನಿಟ್ಟಿನಲ್ಲಿ ಈಗಾಗಲೇ ತಂತ್ರಗಾರಿಕೆಗಳು ಶುರುವಾಗಿವೆ. ಬಹುತೇಕ ಸಮೀಕ್ಷೆಗಳು ಕಾಂಗ್ರೆಸ್ ಅಧಿಕಾರ ಹಿಡಿಯಲಿದೆ ಎಂದಿದ್ದರೂ, ಸ್ಪಷ್ಟ ಬಹುಮತದ ಸೂಚನೆ ನೀಡಿರುವುದು ಕೆಲವೇ ಸಮೀಕ್ಷೆಗಳು ಮಾತ್ರ. ಜೊತೆಗೆ ಕೆಲವು ಸಮೀಕ್ಷೆಗಳು ಇದಕ್ಕೆ ತದ್ವಿರುದ್ಧವಾಗಿ ಹೇಳಿದ್ದು, ಅತಂತ್ರ ಫಲಿತಾಂಶದ ಸುಳಿವನ್ನೂ ನೀಡಿವೆ.
