<p><strong>ಶಿರಸಿ: </strong>ಚಳಿಗಾಲ ಮುಗಿದು ಬೇಸಿಗೆ ಸಮೀಪಿಸುತ್ತಿದ್ದಂತೆ ಮಲೆನಾಡು, ಕರಾವಳಿಯ ಕೆಲ ಭಾಗದಲ್ಲಿ ಆತಂಕ ಸೃಷ್ಟಿಸುತ್ತಿರುವ ಮಂಗನ ಕಾಯಿಲೆ (ಕೆ.ಎಫ್.ಡಿ.) ನಿಯಂತ್ರಣಕ್ಕೆ ಈ ಬಾರಿ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ.</p>.<p>ಜನವರಿ ಆರಂಭದಿಂದ ಈವರೆಗೆ ತಾಲ್ಲೂಕಿನ ಹುಲೇಕಲ್, ಸಿದ್ದಾಪುರ ತಾಲ್ಲೂಕಿನ ಕಂಸಲೆ ಗ್ರಾಮದಲ್ಲಿ ತಲಾ ಒಂದೊಂದು ಮಂಗ ಮೃತಪಟ್ಟಿದ್ದವು. ತಕ್ಷಣವೇ ಅವುಗಳ ಮೃತದೇಹದ ಮರಣೋತ್ತರ ಪರೀಕ್ಷೆ ನಡೆಸಿ, ಸತ್ತ ಪ್ರಾಣಿಯ ದೇಹ ಸುಟ್ಟು ಹಾಕಲಾಗಿದೆ. ಇವು ಸತ್ತ ಪ್ರದೇಶದ ಅರ್ಧ ಕಿಲೋ ಮೀಟರ್ ಸುತ್ತಮುತ್ತಲಿನ ವ್ಯಾಪ್ತಿಯಲ್ಲಿ ಒಂದು ತಿಂಗಳವರೆಗೆ ತೆರಳದಂತೆ ಫಲಕ ಹಾಕಲಾಗಿದೆ.</p>.<p>‘ಮಂಗನ ಕಾಯಿಲೆ ಹರಡದಂತೆ ಪ್ರತಿ ಹೆಜ್ಜೆಗೂ ಎಚ್ಚರ ವಹಿಸಲು ನಿರ್ಧರಿಸಿದ್ದೇವೆ. ಈ ಹಿಂದೆ ಮಂಗಗಳ ಸಾವಿನ ಬಗ್ಗೆ ತಡವಾಗಿ ಮಾಹಿತಿ ತಿಳಿಯುತ್ತಿದ್ದ ಪರಿಣಾಮ ರೋಗ ಹರಡುವಿಕೆ ತಡೆಗೆ ಕಷ್ಟವಾಗಿತ್ತು. ಈ ಬಾರಿ ತ್ವರಿತ ಮಾಹಿತಿ ಸಂಗ್ರಹಕ್ಕೆ ಆದ್ಯತೆ ನೀಡಿದ ಪರಿಣಾಮ ಎರಡೂ ಕಡೆಗಳಲ್ಲಿ ಮಂಗ ಸತ್ತ ಕೆಲವೇ ಗಂಟೆಗಳಲ್ಲಿ ಅವುಗಳನ್ನು ದಹಿಸಿ ಜನ ಸಂಚಾರ ನಿಷೇಧಿಸಲಾಯಿತು’ ಎನ್ನುತ್ತಾರೆ ಹೊನ್ನಾವರದ ಕೆ.ಎಫ್.ಡಿ. ಘಟಕದ ವೈದ್ಯಾಧಿಕಾರಿ ಡಾ.ಸತೀಶ್ ಶೇಟ್.</p>.<p>‘ಮಂಗನಕಾಯಿಲೆ ಹರಡುವ ಸಾಧ್ಯತೆ ಇರುವ ಜಿಲ್ಲೆಯ ಏಳು ತಾಲ್ಲೂಕುಗಳ ವ್ಯಾಪ್ತಿಯಲ್ಲಿ ಮಂಗಗಳು ಮೃತಪಟ್ಟರೆ ತಕ್ಷಣ ಅರಣ್ಯ, ಆರೋಗ್ಯ ಇಲಾಖೆಗೆ ತಿಳಿಸಲು ನಜಾಗೃತಿ ಮೂಡಿಸಲಾಗುತ್ತಿದೆ. ಈ ಬಗ್ಗೆ ಮನೆ ಮನೆಗೆ ಕರಪತ್ರ ಹಂಚಿಕೆ ಮಾಡುತ್ತಿದ್ದೇವೆ’ ಎಂದರು.</p>.<p>‘ಕಾಯಿಲೆ ಹರಡಲು ಪ್ರಮುಖ ವಾಹಕವಾಗಿರುವ ಉಣುಗುಗಳ ನಿಯಂತ್ರನಕ್ಕೆ ಕಳೆದ ಮಳೆಗಾಲದ ಆರಂಭದಿಂದಲೇ ನಿಯಂತ್ರಣಕ್ಕೆ ಕ್ರಮವಹಿಸಿದ್ದೇವೆ. ಜುಲೈ, ಆಗಸ್ಟ್ ನಲ್ಲಿ ಪಶು ಇಲಾಖೆ ಸಹಕಾರದೊಂದಿಗೆ ಕೊಟ್ಟಿಗೆಗಳಿಗೆ ಔಷಧ ಸಿಂಪಡಣೆ ಮಾಡಿ ಉಣುಗು ನಿಯಂತ್ರಿಸಲಾಗಿದೆ. ಮಂಗನಕಾಯಿಲೆ ಹರಡಬಹುದಾದ ಪ್ರದೇಶಗಳಲ್ಲಿ ರೈತರಿಗೆ ಜಾನುವಾರುಗಳ ಮೈಗೆ ಹಚ್ಚುವ ಔಷಧಗಳನ್ನು ನೀಡಲಾಗಿದೆ. ಇವುಗಳ ಬಳಕೆ ಬಗ್ಗೆ ಜನರಲ್ಲಿ ನಿರಂತರ ಜಾಗೃತಿಯನ್ನೂ ಆಶಾ ಕಾರ್ಯಕರ್ತೆಯರ ಮೂಲಕ ಮೂಡಿಸಲಾಗುತ್ತಿದೆ’ ಎಂದರು.</p>.<p><strong>ಅಂಕಿ–ಅಂಶ</strong><br />2021 ಸಾಲಿನಲ್ಲಿ ಸತ್ತ ಮಂಗಗಳು; 42<br />2022 (ಜ.20) ಸತ್ತ ಮಂಗಗಳು;2<br />2021ರಲ್ಲಿ ಮಂಗನಕಾಯಿಲೆ ದೃಢಪಟ್ಟವರು; 8<br />ಈ ವರ್ಷ ಕಳುಹಿಸಿದ ರಕ್ತದ ಮಾದರಿ ಸಂಖ್ಯೆ; 10 </p>.<p>ಚಳಿಗಾಲ ಮುಗಿದು ಬೇಸಿಗೆ ಸಮೀಪಿಸುತ್ತಿದ್ದಂತೆ ಮಲೆನಾಡು, ಕರಾವಳಿಯ ಕೆಲ ಭಾಗದಲ್ಲಿ ಆತಂಕ ಸೃಷ್ಟಿಸುತ್ತಿರುವ ಮಂಗನ ಕಾಯಿಲೆ (ಕೆ.ಎಫ್.ಡಿ.) ನಿಯಂತ್ರಣಕ್ಕೆ ಈ ಬಾರಿ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ.</p>.<div><p><strong>ತಾಜಾ ಮಾಹಿತಿ ಪಡೆಯಲು <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ</strong></p><p><strong>ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ ಆ್ಯಪ್</a> | <a href="https://apps.apple.com/in/app/prajavani-kannada-news-app/id1535764933">ಐಒಎಸ್ ಆ್ಯಪ್</a></strong></p><p><strong>ಪ್ರಜಾವಾಣಿ <a href="https://www.facebook.com/prajavani.net">ಫೇಸ್ಬುಕ್ ಪುಟವನ್ನು</a>ಫಾಲೋ ಮಾಡಿ.</strong></p></div>
<p><strong>ಶಿರಸಿ: </strong>ಚಳಿಗಾಲ ಮುಗಿದು ಬೇಸಿಗೆ ಸಮೀಪಿಸುತ್ತಿದ್ದಂತೆ ಮಲೆನಾಡು, ಕರಾವಳಿಯ ಕೆಲ ಭಾಗದಲ್ಲಿ ಆತಂಕ ಸೃಷ್ಟಿಸುತ್ತಿರುವ ಮಂಗನ ಕಾಯಿಲೆ (ಕೆ.ಎಫ್.ಡಿ.) ನಿಯಂತ್ರಣಕ್ಕೆ ಈ ಬಾರಿ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ.</p>.<p>ಜನವರಿ ಆರಂಭದಿಂದ ಈವರೆಗೆ ತಾಲ್ಲೂಕಿನ ಹುಲೇಕಲ್, ಸಿದ್ದಾಪುರ ತಾಲ್ಲೂಕಿನ ಕಂಸಲೆ ಗ್ರಾಮದಲ್ಲಿ ತಲಾ ಒಂದೊಂದು ಮಂಗ ಮೃತಪಟ್ಟಿದ್ದವು. ತಕ್ಷಣವೇ ಅವುಗಳ ಮೃತದೇಹದ ಮರಣೋತ್ತರ ಪರೀಕ್ಷೆ ನಡೆಸಿ, ಸತ್ತ ಪ್ರಾಣಿಯ ದೇಹ ಸುಟ್ಟು ಹಾಕಲಾಗಿದೆ. ಇವು ಸತ್ತ ಪ್ರದೇಶದ ಅರ್ಧ ಕಿಲೋ ಮೀಟರ್ ಸುತ್ತಮುತ್ತಲಿನ ವ್ಯಾಪ್ತಿಯಲ್ಲಿ ಒಂದು ತಿಂಗಳವರೆಗೆ ತೆರಳದಂತೆ ಫಲಕ ಹಾಕಲಾಗಿದೆ.</p>.<p>‘ಮಂಗನ ಕಾಯಿಲೆ ಹರಡದಂತೆ ಪ್ರತಿ ಹೆಜ್ಜೆಗೂ ಎಚ್ಚರ ವಹಿಸಲು ನಿರ್ಧರಿಸಿದ್ದೇವೆ. ಈ ಹಿಂದೆ ಮಂಗಗಳ ಸಾವಿನ ಬಗ್ಗೆ ತಡವಾಗಿ ಮಾಹಿತಿ ತಿಳಿಯುತ್ತಿದ್ದ ಪರಿಣಾಮ ರೋಗ ಹರಡುವಿಕೆ ತಡೆಗೆ ಕಷ್ಟವಾಗಿತ್ತು. ಈ ಬಾರಿ ತ್ವರಿತ ಮಾಹಿತಿ ಸಂಗ್ರಹಕ್ಕೆ ಆದ್ಯತೆ ನೀಡಿದ ಪರಿಣಾಮ ಎರಡೂ ಕಡೆಗಳಲ್ಲಿ ಮಂಗ ಸತ್ತ ಕೆಲವೇ ಗಂಟೆಗಳಲ್ಲಿ ಅವುಗಳನ್ನು ದಹಿಸಿ ಜನ ಸಂಚಾರ ನಿಷೇಧಿಸಲಾಯಿತು’ ಎನ್ನುತ್ತಾರೆ ಹೊನ್ನಾವರದ ಕೆ.ಎಫ್.ಡಿ. ಘಟಕದ ವೈದ್ಯಾಧಿಕಾರಿ ಡಾ.ಸತೀಶ್ ಶೇಟ್.</p>.<p>‘ಮಂಗನಕಾಯಿಲೆ ಹರಡುವ ಸಾಧ್ಯತೆ ಇರುವ ಜಿಲ್ಲೆಯ ಏಳು ತಾಲ್ಲೂಕುಗಳ ವ್ಯಾಪ್ತಿಯಲ್ಲಿ ಮಂಗಗಳು ಮೃತಪಟ್ಟರೆ ತಕ್ಷಣ ಅರಣ್ಯ, ಆರೋಗ್ಯ ಇಲಾಖೆಗೆ ತಿಳಿಸಲು ನಜಾಗೃತಿ ಮೂಡಿಸಲಾಗುತ್ತಿದೆ. ಈ ಬಗ್ಗೆ ಮನೆ ಮನೆಗೆ ಕರಪತ್ರ ಹಂಚಿಕೆ ಮಾಡುತ್ತಿದ್ದೇವೆ’ ಎಂದರು.</p>.<p>‘ಕಾಯಿಲೆ ಹರಡಲು ಪ್ರಮುಖ ವಾಹಕವಾಗಿರುವ ಉಣುಗುಗಳ ನಿಯಂತ್ರನಕ್ಕೆ ಕಳೆದ ಮಳೆಗಾಲದ ಆರಂಭದಿಂದಲೇ ನಿಯಂತ್ರಣಕ್ಕೆ ಕ್ರಮವಹಿಸಿದ್ದೇವೆ. ಜುಲೈ, ಆಗಸ್ಟ್ ನಲ್ಲಿ ಪಶು ಇಲಾಖೆ ಸಹಕಾರದೊಂದಿಗೆ ಕೊಟ್ಟಿಗೆಗಳಿಗೆ ಔಷಧ ಸಿಂಪಡಣೆ ಮಾಡಿ ಉಣುಗು ನಿಯಂತ್ರಿಸಲಾಗಿದೆ. ಮಂಗನಕಾಯಿಲೆ ಹರಡಬಹುದಾದ ಪ್ರದೇಶಗಳಲ್ಲಿ ರೈತರಿಗೆ ಜಾನುವಾರುಗಳ ಮೈಗೆ ಹಚ್ಚುವ ಔಷಧಗಳನ್ನು ನೀಡಲಾಗಿದೆ. ಇವುಗಳ ಬಳಕೆ ಬಗ್ಗೆ ಜನರಲ್ಲಿ ನಿರಂತರ ಜಾಗೃತಿಯನ್ನೂ ಆಶಾ ಕಾರ್ಯಕರ್ತೆಯರ ಮೂಲಕ ಮೂಡಿಸಲಾಗುತ್ತಿದೆ’ ಎಂದರು.</p>.<p><strong>ಅಂಕಿ–ಅಂಶ</strong><br />2021 ಸಾಲಿನಲ್ಲಿ ಸತ್ತ ಮಂಗಗಳು; 42<br />2022 (ಜ.20) ಸತ್ತ ಮಂಗಗಳು;2<br />2021ರಲ್ಲಿ ಮಂಗನಕಾಯಿಲೆ ದೃಢಪಟ್ಟವರು; 8<br />ಈ ವರ್ಷ ಕಳುಹಿಸಿದ ರಕ್ತದ ಮಾದರಿ ಸಂಖ್ಯೆ; 10 </p>.<p>ಚಳಿಗಾಲ ಮುಗಿದು ಬೇಸಿಗೆ ಸಮೀಪಿಸುತ್ತಿದ್ದಂತೆ ಮಲೆನಾಡು, ಕರಾವಳಿಯ ಕೆಲ ಭಾಗದಲ್ಲಿ ಆತಂಕ ಸೃಷ್ಟಿಸುತ್ತಿರುವ ಮಂಗನ ಕಾಯಿಲೆ (ಕೆ.ಎಫ್.ಡಿ.) ನಿಯಂತ್ರಣಕ್ಕೆ ಈ ಬಾರಿ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ.</p>.<div><p><strong>ತಾಜಾ ಮಾಹಿತಿ ಪಡೆಯಲು <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ</strong></p><p><strong>ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ ಆ್ಯಪ್</a> | <a href="https://apps.apple.com/in/app/prajavani-kannada-news-app/id1535764933">ಐಒಎಸ್ ಆ್ಯಪ್</a></strong></p><p><strong>ಪ್ರಜಾವಾಣಿ <a href="https://www.facebook.com/prajavani.net">ಫೇಸ್ಬುಕ್ ಪುಟವನ್ನು</a>ಫಾಲೋ ಮಾಡಿ.</strong></p></div>
