ಅಫಜಲಪುರ (ಕಲಬುರಗಿ ಜಿಲ್ಲೆ): ಮಹಿಳೆ ತಮ್ಮ ಇಬ್ಬರು ಮಕ್ಕಳೊಂದಿಗೆ ಬಾವಿಗೆ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ತಾಲ್ಲೂಕಿನ ಸಂಗಾಪೂರ ಗ್ರಾಮದಲ್ಲಿ ಗುರುವಾರ ನಡೆದಿದ್ದು, ಘಟನೆಯಲ್ಲಿ ಇಬ್ಬರು ಹೆಣ್ಣು ಮಕ್ಕಳು ಮೃತಪಟ್ಟಿದ್ದಾರೆ.
ದ್ರಾಕ್ಷಾಯಿಣಿ (2 ವರ್ಷ), ಪ್ರೇಮಾ (2 ತಿಂಗಳ ಹಸುಗೂಸುಗಳು) ಮೃತಪಟ್ಟಿವೆ. ಈ ಮಕ್ಕಳ ತಾಯಿ ಭಾಗಮ್ಮ ವಾಳಿ (25) ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಭಾಗಮ್ಮ ಬಾವಿಗೆ ಹಾರಿದ್ದನ್ನು ಕಂಡ ಗ್ರಾಮಸ್ಥರು ಮಹಿಳೆಯನ್ನು ರಕ್ಷಣೆ ಮಾಡಿದ್ದಾರೆ ಎಂದು ದೇವಲ ಗಾಣಗಾಪೂರ ಪೊಲೀಸ್ ಠಾಣೆ ಸಿಬ್ಬಂದಿ ತಿಳಿಸಿದರು.
ಭಾಗಮ್ಮ ಅವರಿಗೆ ಮೂರ್ಛೆ ರೋಗ ಇತ್ತು. ಹೀಗಾಗಿ, ಮನನೊಂದು ಆತ್ಮಹತ್ಯೆಗೆ ಯತ್ನಿಸಿದ್ದರು ಎಂದು ದೂರಿನಲ್ಲಿ ತಿಳಿಸಲಾಗಿದೆ.
ದ್ರಾಕ್ಷಾಯಿಣಿ (2 ವರ್ಷ), ಪ್ರೇಮಾ (2 ತಿಂಗಳ ಹಸುಗೂಸುಗಳು) ಮೃತಪಟ್ಟಿವೆ. ಈ ಮಕ್ಕಳ ತಾಯಿ ಭಾಗಮ್ಮ ವಾಳಿ (25) ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
