<p><strong>ನರಗುಂದ</strong>: ಕೋವಿಡ್ನಿಂದ ಸವದತ್ತಿ ಯಲ್ಲಮ್ಮನ ದೇವಸ್ಥಾನದ ದರ್ಶನ ನಿರ್ಬಂಧಿಸಿದ್ದರೂ ಸೋಮವಾರ ಬನದ ಹುಣ್ಣಿಮೆ ಅಂಗವಾಗಿ ನರಗುಂದ ಮಾರ್ಗವಾಗಿ ಸವದತ್ತಿ ಯಲ್ಲಮ್ಮನ ಗುಡ್ಡಕ್ಕೆ ಹೋಗುವುದನ್ನು ಭಕ್ತರು ಮಾತ್ರ ನಿಲ್ಲಿಸುತ್ತಿಲ್ಲ.</p>.<p>ರೋಣ ತಾಲ್ಲೂಕಿನ ಮಲ್ಲಾಪುರದ ಯುವಕ ರವಿ ಕರಿಯಣ್ಣವರ ಮರಗಾಲು ಕಟ್ಟಿಕೊಂಡು ಸುಮಾರು 80 ಕಿ.ಮೀ ಪಾದಯಾತ್ರೆ ಕೈಗೊಂಡಿದ್ದು, ಭಾನುವಾರ ಸಂಜೆ ನರಗುಂದ ತಾಲ್ಲೂಕಿನ ಮದಗುಣಕಿ ಸಮೀಪ ತೆರಳುತ್ತಿರುವುದು ಕಂಡು ಬಂತು.</p>.<p>ಪಾದಯಾತ್ರೆ ಮೂಲಕ ದೇವರಿಗೆ ತೆರಳುವುದು ಸಹಜ. ಆದರೆ ಮರದ ಕಾಲು ಕಟ್ಟಿಕೊಂಡು ನಿರಂತರ ಸಾಗುತ್ತಿರುವುದು ಸರಳವಲ್ಲ. ರವಿ ಅವರಿಗೆ ಗೆಳೆಯರಾದ ಶರಣಪ್ಪ ಅಳಗುಂಡಿ, ಮಂಜುನಾಥ ಮಡಿವಾಳರ, ಮಂಜು ಡೊಳ್ಳಿನ, ಮೈಲಾರೇಶ ಡೊಳ್ಳಿನ ಸಾಥ್ ನೀಡಿದ್ದಾರೆ.</p>.<p>‘ಯಲ್ಲಮ್ಮನ ದರ್ಶನವನ್ನು ಪಾದಯಾತ್ರೆ ಮೂಲಕವೇ ಮಾಡಬೇಕೆಂಬ ಸಂಕಲ್ಪ ಮಾಡಿಕೊಂಡಿದ್ದೇವೆ. ದೇವಿ ದರ್ಶನ ಆಗಲಿ, ಬಿಡಲಿ ಆ ವಾಸಸ್ಥಾನಕ್ಕೆ ಹೋಗಿ ಹಣ್ಣು, ಕಾಯಿ ಮಾಡಕೊಂಡ ಬರ್ತೇವಿ’ ಎಂದು ಮಂಜುನಾಥ ಮಡಿವಾಳರ ಹೇಳಿದರು.</p>.<p>ಭಾನುವಾರ ಸಂಜೆ 4 ಗಂಟೆಗೆ ಮಲ್ಲಾಪುರದಿಂದ ಹೊರಟ ಯುವಕರು ಹದಲಿಕ್ರಾಸ್ಗೆ ಬಂದಾಗ 7 ಗಂಟೆಯಾಗಿತ್ತು. ಒಂದು ತಾಸಿಗೆ 10-15 ಕಿ. ಮೀ ಚಲಿಸುವ ಯುವಕರು ಸೋಮವಾರ ಬೆಳಿಗ್ಗೆ ಸವದತ್ತಿ ಯಲ್ಲಮ್ಮನಗುಡ್ಡ ತಲುಪುವ ಸಾಧ್ಯತೆ ಇದೆ.</p>.<p>‘ನನ್ನದು ಒಂದು ಹರಕೆ ಇದೆ. ಅದನ್ನು ಈಡೇರಿಸಿಕೊಳ್ಳುವ ಸಲುವಾಗಿ ಮರಗಾಲು ಕಟ್ಟಿಕೊಂಡು 80 ಕಿ.ಮೀ ಪಾದಯಾತ್ರೆ ಕೈಕೊಂಡೇನಿ. ಯಲ್ಲಮ್ಮ ಈಡೇರಸ್ತಾಳ ಅನ್ನೋ ನಂಬಿಕೆ ಐತಿ’ ಎಂದು ರವಿ ಹೇಳಿದರು.</p>.<p><strong>ಪಾದಯಾತ್ರೆಗೆ ನೂರಾರು ಯುವಕರು</strong></p>.<p>ದೂರದ ಕುಷ್ಟಗಿ, ಯಲಬುರ್ಗಾ, ಕೊಪ್ಪಳ, ಸಿಂಧನೂರು ಸೇರಿದಂತೆ ಹಲವಾರು ಪಟ್ಟಣ, ಹಳ್ಳಿಗಳಿಂದ ನೂರಾರು ಯುವಕರು ಕಳೆದ ನಾಲ್ಕೈದು ದಿನಗಳಿಂದ 200 ಕಿ.ಮೀಗೂ ಹೆಚ್ಚು ಪಾದಯಾತ್ರೆಗೆ ಮುಂದಾಗಿದ್ದು ಯಲ್ಲಮ್ಮ ನಮ್ಮ ಇಷ್ಟಾರ್ಥ ಈಡೇರಿಸುತ್ತಾಳೆ ಎಂದು ಆತ್ಮವಿಶ್ವಾಸ ವ್ಯಕ್ತಪಡಿಸಿದರು.</p>.<p>ಯಲ್ಲಮ್ಮ ದರ್ಶನ ಇಲ್ಲದಿದ್ದರೂ ಪಾದಯಾತ್ರೆ ಬಿಡೆವು : ಮರಗಾಲು ಕಟ್ಟಿಕೊಂಡು 80 ಕಿ.ಮೀ ಪಾದಯಾತ್ರೆಗೆ ಮುಂದಾದ ಯುವಕ ರವಿ : ಸಾಥ್ ನೀಡಿದ ಗೆಳೆಯರು</p>.<div><p><strong>ತಾಜಾ ಮಾಹಿತಿ ಪಡೆಯಲು <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ</strong></p><p><strong>ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ ಆ್ಯಪ್</a> | <a href="https://apps.apple.com/in/app/prajavani-kannada-news-app/id1535764933">ಐಒಎಸ್ ಆ್ಯಪ್</a></strong></p><p><strong>ಪ್ರಜಾವಾಣಿ <a href="https://www.facebook.com/prajavani.net">ಫೇಸ್ಬುಕ್ ಪುಟವನ್ನು</a>ಫಾಲೋ ಮಾಡಿ.</strong></p></div>
<p><strong>ನರಗುಂದ</strong>: ಕೋವಿಡ್ನಿಂದ ಸವದತ್ತಿ ಯಲ್ಲಮ್ಮನ ದೇವಸ್ಥಾನದ ದರ್ಶನ ನಿರ್ಬಂಧಿಸಿದ್ದರೂ ಸೋಮವಾರ ಬನದ ಹುಣ್ಣಿಮೆ ಅಂಗವಾಗಿ ನರಗುಂದ ಮಾರ್ಗವಾಗಿ ಸವದತ್ತಿ ಯಲ್ಲಮ್ಮನ ಗುಡ್ಡಕ್ಕೆ ಹೋಗುವುದನ್ನು ಭಕ್ತರು ಮಾತ್ರ ನಿಲ್ಲಿಸುತ್ತಿಲ್ಲ.</p>.<p>ರೋಣ ತಾಲ್ಲೂಕಿನ ಮಲ್ಲಾಪುರದ ಯುವಕ ರವಿ ಕರಿಯಣ್ಣವರ ಮರಗಾಲು ಕಟ್ಟಿಕೊಂಡು ಸುಮಾರು 80 ಕಿ.ಮೀ ಪಾದಯಾತ್ರೆ ಕೈಗೊಂಡಿದ್ದು, ಭಾನುವಾರ ಸಂಜೆ ನರಗುಂದ ತಾಲ್ಲೂಕಿನ ಮದಗುಣಕಿ ಸಮೀಪ ತೆರಳುತ್ತಿರುವುದು ಕಂಡು ಬಂತು.</p>.<p>ಪಾದಯಾತ್ರೆ ಮೂಲಕ ದೇವರಿಗೆ ತೆರಳುವುದು ಸಹಜ. ಆದರೆ ಮರದ ಕಾಲು ಕಟ್ಟಿಕೊಂಡು ನಿರಂತರ ಸಾಗುತ್ತಿರುವುದು ಸರಳವಲ್ಲ. ರವಿ ಅವರಿಗೆ ಗೆಳೆಯರಾದ ಶರಣಪ್ಪ ಅಳಗುಂಡಿ, ಮಂಜುನಾಥ ಮಡಿವಾಳರ, ಮಂಜು ಡೊಳ್ಳಿನ, ಮೈಲಾರೇಶ ಡೊಳ್ಳಿನ ಸಾಥ್ ನೀಡಿದ್ದಾರೆ.</p>.<p>‘ಯಲ್ಲಮ್ಮನ ದರ್ಶನವನ್ನು ಪಾದಯಾತ್ರೆ ಮೂಲಕವೇ ಮಾಡಬೇಕೆಂಬ ಸಂಕಲ್ಪ ಮಾಡಿಕೊಂಡಿದ್ದೇವೆ. ದೇವಿ ದರ್ಶನ ಆಗಲಿ, ಬಿಡಲಿ ಆ ವಾಸಸ್ಥಾನಕ್ಕೆ ಹೋಗಿ ಹಣ್ಣು, ಕಾಯಿ ಮಾಡಕೊಂಡ ಬರ್ತೇವಿ’ ಎಂದು ಮಂಜುನಾಥ ಮಡಿವಾಳರ ಹೇಳಿದರು.</p>.<p>ಭಾನುವಾರ ಸಂಜೆ 4 ಗಂಟೆಗೆ ಮಲ್ಲಾಪುರದಿಂದ ಹೊರಟ ಯುವಕರು ಹದಲಿಕ್ರಾಸ್ಗೆ ಬಂದಾಗ 7 ಗಂಟೆಯಾಗಿತ್ತು. ಒಂದು ತಾಸಿಗೆ 10-15 ಕಿ. ಮೀ ಚಲಿಸುವ ಯುವಕರು ಸೋಮವಾರ ಬೆಳಿಗ್ಗೆ ಸವದತ್ತಿ ಯಲ್ಲಮ್ಮನಗುಡ್ಡ ತಲುಪುವ ಸಾಧ್ಯತೆ ಇದೆ.</p>.<p>‘ನನ್ನದು ಒಂದು ಹರಕೆ ಇದೆ. ಅದನ್ನು ಈಡೇರಿಸಿಕೊಳ್ಳುವ ಸಲುವಾಗಿ ಮರಗಾಲು ಕಟ್ಟಿಕೊಂಡು 80 ಕಿ.ಮೀ ಪಾದಯಾತ್ರೆ ಕೈಕೊಂಡೇನಿ. ಯಲ್ಲಮ್ಮ ಈಡೇರಸ್ತಾಳ ಅನ್ನೋ ನಂಬಿಕೆ ಐತಿ’ ಎಂದು ರವಿ ಹೇಳಿದರು.</p>.<p><strong>ಪಾದಯಾತ್ರೆಗೆ ನೂರಾರು ಯುವಕರು</strong></p>.<p>ದೂರದ ಕುಷ್ಟಗಿ, ಯಲಬುರ್ಗಾ, ಕೊಪ್ಪಳ, ಸಿಂಧನೂರು ಸೇರಿದಂತೆ ಹಲವಾರು ಪಟ್ಟಣ, ಹಳ್ಳಿಗಳಿಂದ ನೂರಾರು ಯುವಕರು ಕಳೆದ ನಾಲ್ಕೈದು ದಿನಗಳಿಂದ 200 ಕಿ.ಮೀಗೂ ಹೆಚ್ಚು ಪಾದಯಾತ್ರೆಗೆ ಮುಂದಾಗಿದ್ದು ಯಲ್ಲಮ್ಮ ನಮ್ಮ ಇಷ್ಟಾರ್ಥ ಈಡೇರಿಸುತ್ತಾಳೆ ಎಂದು ಆತ್ಮವಿಶ್ವಾಸ ವ್ಯಕ್ತಪಡಿಸಿದರು.</p>.<p>ಯಲ್ಲಮ್ಮ ದರ್ಶನ ಇಲ್ಲದಿದ್ದರೂ ಪಾದಯಾತ್ರೆ ಬಿಡೆವು : ಮರಗಾಲು ಕಟ್ಟಿಕೊಂಡು 80 ಕಿ.ಮೀ ಪಾದಯಾತ್ರೆಗೆ ಮುಂದಾದ ಯುವಕ ರವಿ : ಸಾಥ್ ನೀಡಿದ ಗೆಳೆಯರು</p>.<div><p><strong>ತಾಜಾ ಮಾಹಿತಿ ಪಡೆಯಲು <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ</strong></p><p><strong>ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ ಆ್ಯಪ್</a> | <a href="https://apps.apple.com/in/app/prajavani-kannada-news-app/id1535764933">ಐಒಎಸ್ ಆ್ಯಪ್</a></strong></p><p><strong>ಪ್ರಜಾವಾಣಿ <a href="https://www.facebook.com/prajavani.net">ಫೇಸ್ಬುಕ್ ಪುಟವನ್ನು</a>ಫಾಲೋ ಮಾಡಿ.</strong></p></div>
