ಅಹಮದಾಬಾದ್ (ಗುಜರಾತ್): ಆಕೆಗೆ ವಯಸ್ಸು 58. ಕೇವಲ 8 ತಿಂಗಳ ಹಿಂದಷ್ಟೇ ಆಕೆಯ ಪತಿ ಮೃತಪಟ್ಟಿದ್ದರು. ವಿಧವೆಯಾದ ಆಕೆಗೆ 34 ವರ್ಷ ವಯಸ್ಸಿನ ಮಗ ಇದ್ದಾನೆ. ಇದೀಗ ಈ ಮಹಿಳೆ ತನ್ನ ಮಗನ ವಿರುದ್ಧವೇ ಪೊಲೀಸರಿಗೆ ದೂರು ನೀಡಿದ್ದಾರೆ. ನನ್ನ ಮಗ ಅತಿ ವೇಗವಾಗಿ ಬೈಕ್ ಚಾಲನೆ ಮಾಡಿದ ಕಾರಣ ಅಪಘಾತ ಸಂಭವಿಸಿ ತಾನು ಗಾಯಗೊಂಡಿರೋದಾಗಿ ತಾಯಿ ದೂರು ಕೊಟ್ಟಿದ್ದಾರೆ. ಈ ಘಟನೆ ನಡೆದಿರೋದು ಗುಜರಾತ್ ರಾಜ್ಯದ ನಾಡಿಯಾಡ್ ಎಂಬಲ್ಲಿ..!
ನಾಡಿಯಾಡ್ ನಿವಾಸಿ ಮೀನಾ ಪಟೇಲ್ ಅವರು ತಮ್ಮ ಮಗ ಆನಂದ್ ವಿರುದ್ಧ ಗುಜರಾತ್ನ ವಸೋ ಪೊಲೀಸ್ ಠಾಣೆಯಲ್ಲಿ ದೂರು ಕೊಟ್ಟಿದ್ದಾರೆ. ತಮ್ಮ ದೂರಿನಲ್ಲಿ ಪಟೇಲ್ ಅವರು ತಮಗಾದ ನೋವನ್ನು ಸಮಗ್ರವಾಗಿ ತೋಡಿಕೊಂಡಿದ್ದಾರೆ.