ಭಾರತದ ಮನರಂಜನೆ ಕ್ಷೇತ್ರದಲ್ಲಿ ಅತಿಹೆಚ್ಚು ಜನಪ್ರಿಯವಾದ ಮತ್ತು ಪ್ಯಾನ್‌ ಇಂಡಿಯಾ ಬ್ಲಾಕ್‌ಬಸ್ಟರ್ ಚಿತ್ರ ಕೆಜಿಎಫ್‌ ಚಾಪ್ಟರ್‌-2 ಸಿನಿಮಾ ಇದೀಗ ಅಮೆಜಾನ್ ಪ್ರೈಮ್‌ ವಿಡಿಯೊದಲ್ಲಿ ಬರುತ್ತಿದೆ. ಹೌದು, ನೀವು ಕೇಳುತ್ತಿರುವ ಸುದ್ದಿ ನಿಜವಾದದ್ದೇ! ಕೆಜಿಎಫ್‌ ಅಭಿಮಾನಿಗಳಿಗೆ ಸಿನಿಮಾವನ್ನೀಗ ಡಿಜಿಟಲ್ ಚಂದಾದಾರರಾಗುವ ಮೊದಲೇ ವೀಕ್ಷಿಸುವ ಸದಾವಕಾಶ ಸಿಕ್ಕಿದೆ. ಅಂದರೆ, ಇದು ಕೇವಲ ಅಮೆಜಾನ್ ಪ್ರೈಮ್‌ ಸದಸ್ಯರಿಗಷ್ಟೇ ಅಲ್ಲ, ಸದಸ್ಯರಲ್ಲದವರೂ ಈ ಸಿನಿಮಾವನ್ನು ಮನೆಯಲ್ಲೇ ಕುಳಿತು ಕೇವಲ ₹199 ಪಾವತಿಸಿ ವೀಕ್ಷಿಸಬಹುದು. ಎಲ್ಲದಕ್ಕಿಂತ ಮಿಗಿಲಾದ ವಿಶಿಷ್ಟ ಅನುಭವವೆಂದರೆ ಎಚ್‌ಡಿ ಗುಣಮಟ್ಟದಲ್ಲಿ ಚಿತ್ರವನ್ನು ಕನ್ನಡ, ಹಿಂದಿ, ತಮಿಳು, ತೆಲುಗು ಅಥವಾ ಮಲಯಾಳಂನಲ್ಲಿ, ತಮ್ಮ ಇಷ್ಟದ ಭಾಷೆಯಲ್ಲಿ ನೋಡಬಹುದು.
ಬಾಡಿಗೆ ಪಾವತಿಸಿ ಚಲನಚಿತ್ರಗಳನ್ನು ವೀಕ್ಷಿಸುವ ಅವಕಾಶವು ಅಮೆಜಾನ್ ಪ್ರೈಮ್‌ ವಿಡಿಯೊದ ಮನರಂಜನಾ ಮಾರುಕಟ್ಟೆಯನ್ನು ವಿಸ್ತರಿಸುವ ಒಂದು ಭಾಗ. ಭಾರತದಾದ್ಯಂತ ಗ್ರಾಹಕರಿಗೆ ಡಿಜಿಟಲ್ ಮಾಧ್ಯಮದಲ್ಲಿ ಚಿತ್ರ ಬಿಡುಗಡೆಗೊಳ್ಳುವ ಮೊದಲೇ ಬಾಡಿಗೆ ಮೂಲಕ ಚಲನಚಿತ್ರಗಳನ್ನು ವೀಕ್ಷಿಸಲು ಸಾಧ್ಯವಾಗುತ್ತಿದೆ. ಇದಕ್ಕೆ ಸೇರ್ಪಡೆ ಎಂಬಂತೆ ಕೆಜಿಎಫ್‌ ಚಾಪ್ಟರ್‌-2 ಈಗ ಅಭಿಮಾನಿಗಳನ್ನು ರಂಜಿಸಲು ಬಂದಿದೆ. ವಿಶ್ವದಾದ್ಯಂತ ಖ್ಯಾತ ಸಿನಿಮಾಗಳನ್ನು, ಪ್ರಶಸ್ತಿ ವಿಜೇತ ಚಿತ್ರಗಳನ್ನು, ಇತ್ತೀಚೆಗೆ ಬಿಡುಗಡೆಗೊಂಡ ರಾಷ್ಟ್ರೀಯ, ಅಂತರರಾಷ್ಟ್ರೀಯ ಚಿತ್ರಗಳನ್ನು ಬಾಡಿಗೆ ಸೌಲಭ್ಯದ ಮೂಲಕ ಮೊದಲೇ ನೋಡಬಹುದಾಗಿದೆ. ಪ್ರೈಮ್‌ ವಿಡಿಯೊದಲ್ಲಿರುವ ಬಾಡಿಗೆ ಮೂಲಕ ಚಿತ್ರ (ಮೂವೀ ರೆಂಟಲ್ಸ್) ವೀಕ್ಷಿಸುವವರಿಗೆ ಪ್ರೈಮ್‌ ಸದಸ್ಯರಿಗೆ ಲಭ್ಯವಿರುವ ಚಿತ್ರಗಳ ಹೊರತಾಗಿಯೂ ಹಲವು ಸಿನಿಮಾಗಳು ದೊರೆಯಲಿದ್ದು, ಗ್ರಾಹಕರಿಗೆ ಹೆಚ್ಚಿನ ಆಯ್ಕೆ ಮತ್ತು ಅನುಕೂಲಗಳನ್ನು ಒದಗಿಸುತ್ತಿದೆ.
ಇದು ಪ್ರಾಯೋಜಿತ ಲೇಖನ ಸರಣಿಯ ಭಾಗ.
