ಪೋಪ್‌ ಪ್ರಾನ್ಸಿಸ್‌ ಆರೋಗ್ಯ ಚೇತರಿಕೆ

ವ್ಯಾಟಿಕನ್: ಪೋಪ್ ಫ್ರಾನ್ಸಿಸ್ ಆರೋಗ್ಯದಲ್ಲಿ ಚೇತರಿಕೆ

ರೋಮ್: ಪೋಪ್ ಫ್ರಾನ್ಸಿಸ್  ಆರೋಗ್ಯ ಸ್ಥಿರವಾಗಿದ್ದು, ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ವಾಟಿಕನ್ ಮೂಲಗಳು ಗುರವಾರ ತಿಳಿಸಿವೆ. ಅವರು ಶ್ವಾಸಕೋಶದ ಸೋಂಕಿನ ಕಾರಣ ಇಲ್ಲಿನ ಆಸ್ಪತ್ರೆಗೆ ದಾಖಲಾಗಿದ್ದರು.

86 ವಯಸ್ಸಿನ ಫ್ರಾನ್ಸಿಸ್ ಅವರು ಯುವಕರಾಗಿದ್ದಾಗ ಶ್ವಾಸಕೋಶದ ಸೋಂಕಿನ ಕಾರಣದಿಂದಾಗಿಯೇ ಅವರ ಒಂದು ಶ್ವಾಸಕೋಶವನ್ನು ತೆಗೆದುಹಾಕಲಾಗಿತ್ತು. ಬುಧವಾರ ಅವರಿಗೆ ಉಸಿರಾಟ ತೊಂದರೆ ಕಾಣಿಸಿದ್ದರಿಂದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. 

ಸದ್ಯ ಅವರ ಆರೋಗ್ಯದಲ್ಲಿ ಸುಧಾರಣೆ ಕಂಡುಬಂದಿತ್ತು, ಆಸ್ಪತ್ರೆಯ ಕೊಠಡಿಯಲ್ಲಿ ಚೆನ್ನಾಗಿ ವಿಶ್ರಾಂತಿಯನ್ನೂ ತೆಗೆದುಕೊಂಡಿದ್ದಾರೆ. ಪತ್ರಿಕೆ ಓದಿದ್ದಾರೆ, ಆಹಾರವನ್ನೂ ಸೇವಿಸಿದ್ದಾರೆ ಎಂದು ವರದಿಯಾಗಿದೆ.

ಇನ್ನೂ ಕೆಲವು ದಿನಗಳ ತನಕ ಚಿಕಿತ್ಸೆಯ ಕಾರಣದಿಂದ ಪೋಪ್ ಅವರು ಆಸ್ಪತ್ರೆಯಲ್ಲಿ ಇರಲಿದ್ದಾರೆ ಎಂದು ವಾಟಿಕನ್ ಮೂಲಗಳು  ತಿಳಿಸಿವೆ. 

ಫ್ರಾನ್ಸಿಸ್ ಅವರು ರೋಮನ್ ಕೆಥೋಲಿಕ್ ಸಮುದಾಯದ 266ನೇ  ಪೋಪ್ ಆಗಿದ್ದಾರೆ.