live blog-ಮತದಾನಕ್ಕೆ ಹುರುಪು ತಂದ ಸಿನಿಮಾ ತಾರೆಯರು: ಯಾರ್ಯಾರು ಎಲ್ಲೆಲ್ಲಿ ವೋಟ್ ಮಾಡಿದರು?

ವಿಧಾನಸಭೆಗೆ ಬುಧವಾರ ನಡೆದ ಸಾರ್ವತ್ರಿಕ ಚುನಾವಣೆ ಮತದಾನದಲ್ಲಿ ಕನ್ನಡ ಚಿತ್ರರಂಗದ ಹಿರಿಯ ಕಿರಿಯ ತಾರೆಗಳು ಹಾಗೂ ಕಿರುತೆರೆಯ ನಟ ನಟಿಯರು ಅತ್ಯುತ್ಸಾಹದಿಂದ ಮತದಾನದಲ್ಲಿ ಪಾಲ್ಗೊಂಡು ಮತದಾನಕ್ಕೆ ಹುರುಪು ತಂದರು. ಸಿನಿಮಾ ತಾರೆಗಳು ಬೆಳ್ಳಂಬೆಳಗ್ಗೆಯೇ ತಮ್ಮ ಕುಟುಂಬದವರೊಡನೆ ಮತಗಟ್ಟೆಗಳಿಗೆ ತೆರಳಿ ಸಾಮಾನ್ಯ ಮತದಾರರಂತೆ ಸರದಿ ಸಾಲಿನಲ್ಲಿ ನಿಂತು ಮತ ಚಲಾವಣೆ ಮಾಡಿ ಯುವಜನತೆಗೆ ಪ್ರೋತ್ಸಾಹ ನೀಡಿದರು.

ನಟ ಶಿವರಾಜ್‌ಕುಮಾರ್‌ ಪತ್ನಿ ಗೀತಾ ಸಮೇತ ರಾಚೇನಹಳ್ಳಿಯ ಮತಗಟ್ಟೆಯಲ್ಲಿ ಮತ ಚಲಾವಣೆ ಮಾಡಿದರು. ನಟ ಸುದೀಪ್‌ ಜೆ.ಪಿ.ನಗರದ ಪುಟ್ಟೇನಹಳ್ಳಿಯಲ್ಲಿ ಮತ ಚಲಾವಣೆ ಮಾಡಿದರು. ಗೋಲ್ಡನ್‌ ಸ್ಟಾರ್‌ ಗಣೇಶ್‌, ಶಿಲ್ಪಾ ಗಣೇಶ್‌, ದಿಗಂತ್‌, ಐಂದ್ರಿತಾ ರೇ, ರಚಿತಾ ರಾಮ್‌, ಅಮೂಲ್ಯ, ಅವಿನಾಶ್‌, ಮಾಳವಿಕಾ, ವಸಿಷ್ಠ ಸಿಂಹ, ಹರಿಪ್ರಿಯಾ, ರಾಜರಾಜೇಶ್ವರಿನಗರದಲ್ಲಿ, ನೆನಪಿರಲಿ ಪ್ರೇಮ್‌ ದಂಪತಿ ನಾಗರಬಾವಿಯ ರೇಣುಕಾ ಪಬ್ಲಿಕ್‌ ಶಾಲೆಯ ಮತಗಟ್ಟೆಯಲ್ಲಿ ಮತದಾನ ಮಾಡಿದರು.