ಕೇರಳದಲ್ಲಿ ಹೊಸದಾಗಿ 41,668 ಕೋವಿಡ್ ಪ್ರಕರಣಗಳು ದೃಢ

ತಿರುವನಂತಪುರ: ಕೇರಳದಲ್ಲಿ ಶುಕ್ರವಾರ 41,668 ಹೊಸ ಕೋವಿಡ್ ಪ್ರಕರಣಗಳು ದಾಖಲಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 55,29,566ಕ್ಕೆ ತಲುಪಿದೆ. ಪಾಸಿಟಿವಿಟಿ ದರ ಶೇಕಡ 43.7ರಷ್ಟಿದೆ.

ರಾಜ್ಯದಲ್ಲಿ ಕಳೆದ 24 ಗಂಟೆಗಳಲ್ಲಿ 95,218 ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 2,23,548ಕ್ಕೆ ಏರಿದೆ ಎಂದು ಕೇರಳದ ಆರೋಗ್ಯ ಇಲಾಖೆ ತಿಳಿಸಿದೆ. ಆಸ್ಪತ್ರೆಗೆ ದಾಖಲಾಗುತ್ತಿರುವವರ ಪ್ರಮಾಣ ಶೇಕಡ 3ರಷ್ಟಿದೆ.

ಶುಕ್ರವಾರ, ಕೇರಳದಲ್ಲಿ 106 ಸಾವುಗಳು ವರದಿಯಾಗಿದ್ದು, ಕೋವಿಡ್‌ನಿಂದ ಮೃತಪಟ್ಟವರ ಒಟ್ಟು ಸಂಖ್ಯೆ 51,607 ಕ್ಕೆ ತಲುಪಿದೆ.

ತಿರುವನಂತಪುರದಲ್ಲಿ 7,896 ಹೊಸ ಪ್ರಕರಣಗಳು, ಎರ್ನಾಕುಲಂನಲ್ಲಿ 7,339 ಮತ್ತು ಕೋಯಿಕ್ಕೋಡ್‌ನಲ್ಲಿ 4,143 ಪ್ರಕರಣಗಳು ಮತ್ತು ಹೊರರಾಜ್ಯದಿಂದ ಬಂದ 139 ಜನರಲ್ಲಿ ಕೋವಿಡ್ ದೃಢಪಟ್ಟಿವೆ. ಸೋಂಕಿತರಲ್ಲಿ 368 ಆರೋಗ್ಯ ಕಾರ್ಯಕರ್ತರು ಸಹ ಸೇರಿದ್ದಾರೆ.

ಈ ಮಧ್ಯೆ, ಇಂದು 17,053 ಜನರು ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ, ಗುಣಮುಖರಾದವರ ಒಟ್ಟು ಸಂಖ್ಯೆ 52,76,647ಕ್ಕೆ ತಲುಪಿದೆ.