635 ಮಂದಿಗೆ ಸೋಂಕು

ಶಿವಮೊಗ್ಗ: ಜಿಲ್ಲೆಯಲ್ಲಿ ಗುರುವಾರ 635 ಜನರಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿದ್ದು, ಸಕ್ರಿಯ ಪ್ರಕರಣ ಸಂಖ್ಯೆ 2028ಕ್ಕೆ ಏರಿಕೆಯಾಗಿದೆ.

295 ಜನರು ಗುಣಮುಖರಾಗಿದ್ದು, ಮೂರು ದಿನಗಳಿಂದ ಕೊರೊನಾ ಸೋಂಕಿನಿಂದ ಒಬ್ಬರು ಸಾವನ್ನ‍ಪ್ಪುತ್ತಿರುವುದು ಆತಂಕಪಡುವಂತೆ ಮಾಡಿದೆ.

ಶಿವಮೊಗ್ಗ ತಾಲ್ಲೂಕಿನ 260, ಭದ್ರಾವತಿಯ 125, ತೀರ್ಥಹಳ್ಳಿಯ 42, ಶಿಕಾರಿಪುರದ 24, ಸಾಗರದ 111, ಹೊಸನಗರದ 28, ಸೊರಬದ 29 ಹಾಗೂ ಹೊರ ಜಿಲ್ಲೆಯಿಂದ ಬಂದ 16 ಮಂದಿಗೆ ಸೋಂಕು ತಗುಲಿದೆ. 39 ಮಂದಿ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 24 ಮಂದಿ ಖಾಸಗಿ ಆಸ್ಪತ್ರೆಯಲ್ಲಿ, ಡಿಸಿಎಚ್‌ಸಿಯಲ್ಲಿ 18, ಹೋಮ್ಐಸೊಲೇಷನ್‌ನಲ್ಲಿ 1933, ಟ್ರಯೇಜ್‌ನಲ್ಲಿ 14 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.