ಈ ವರ್ಷ ಎರಡಂಕಿ ಪ್ರಗತಿ: ನಿರ್ಮಲಾ ವಿಶ್ವಾಸ

ಬಾಸ್ಟನ್: ಭಾರತದ ಜಿಡಿಪಿ ಬೆಳವಣಿಗೆ ದರವು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಎರಡಂಕಿಯ ಮಟ್ಟವನ್ನು ಸಮೀಪಿಸಲಿದೆ. ಇದು ಜಗತ್ತಿನ ಇತರ ದೇಶಗಳ ಜಿಡಿಪಿ ಬೆಳವಣಿಗೆ ಪ್ರಮಾಣಕ್ಕೆ ಹೋಲಿಸಿದರೆ ಅತಿಹೆಚ್ಚಿನದಾಗಿರಲಿದೆ ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಮುಂದಿನ ವರ್ಷದಲ್ಲಿ ದೇಶದ ಜಿಡಿಪಿ ಬೆಳವಣಿಗೆ ದರವು ಶೇ 7.5ರಿಂದ ಶೇ 8.5ರಷ್ಟು ಇರಲಿದೆ. ಈ ಪ್ರಮಾಣವು ಮುಂದಿನ ಒಂದು ದಶಕದವರೆಗೆ ಸ್ಥಿರವಾಗಿ ಇರಲಿದೆ ಎಂದು ಅವರು ಹಾರ್ವರ್ಡ್‌ ಕೆನಡಿ ಸ್ಕೂಲ್‌ನಲ್ಲಿ ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದಾರೆ.